早兩晚收到一個讀者 PM，話睇完我上個故《善意的謊言》後，俾師姐茜茹入面嘅一段自白感動到，主動去搵返分開將近三年的前度，終於喺上星期起返埋一齊。傾到最後，佢答應我會比以前更愛對方，唔會再令自己後悔。
知道自己嘅文字能夠正面咁影響到其他人，係寫故事嘅人一種最純粹嘅快樂。我自己都清楚，呢種情況唔會成日遇到，甚或可能只此一次。所以我會好好謹記住呢一刻自己所擁有嘅影響力，雖卑微，但確實存在過。然後？緊係繼續努力寫故啦。
p.s. 提到話期待我嘅新故，我話新故應該會 sadsad 地（其實嚟緊幾個都係？），怕勾起佢唔好嘅回憶。佢聽完之後話：「唔怕啦，會約埋同佢一齊追。」
哼，咁快就放閃光。
祝福你地啦。
／茜茹句自白：「我只係見過身邊太多人錯過然後後悔，唔想自己成為下一個，所以拼命掙扎…拼命去愛嘅一個大傻瓜。」
---------------------------------------------------------------------------------
fb: 有心 無默
ig: https://instagram.com/echoofheart/
Search